Tuesday, April 1, 2008



بسم الرحمن الرحيم


--------------------


ازيكم يا جماعة معلش انا اتاخرت عليكو علشان الفترة اللي فاتت كنت مشغولة


عموما انا كويسة


انا انهاردة انتهزت فرصة اني اتكلم عن الفنان الراحل اللي عمرنا ما هننساه ابدا وانا واثقة ومتاكده ان مافيش حد في مصر ولا الوطن العربي بيكرهوا


هو العندليب الاسمر عبد الحليم حافظ


اد ايه يا جماعة الفنان ده محبوب اوي سبحان الله لما البني ادم لما يدي شيء الناس تحبه


والفنان ده ادانا فن كتيييييييير حلو


انا بجد مش عارفة اعبر عن اللي جوايا ليه


لان انا بحبه اوي وعندي كل اغانيه


ولما بسمع صوته اد ايه بقول برافو علي اللي سماه العندليب واللي سماه الاسم ده ماغلطش


لانه لقب بجد يستحقه


سبحان الله ربنا بيدي لكل منا موهبه بس ياريت كل واحد فينا يقدر الموهبة دي


ويشكر ربنا انه تميرز بيها عن اي حد تاني


سواء في صوته في رسمه في في شعره في خطبه في كل لون من الوان المواهب


انا انهاردة حبيت الفت نظركوا وافكركو بذكري الفنان الرائع ده


واديله هدية من عندي هو الدعوة ليه ولكل الاموات بالرحمة والمغفرة


وكمان اقدملكو بعض صور ليه وفيديوهات نادرة ليه


بس الفيديوهات دي منها اثناء مضايقو الجمهور ليه


والتاني اثناء صلحه مع فريد الاطرش


انا قولت ابدأ بموضوع فني حلو ويارب يعجبكو وانشاء الله هبقي ادملكوا مواضيع متنوعة هتعجبكوا





Thursday, March 27, 2008

بسم الله الرحمن الرحيم

*------------------------------*

هاي يا جماعة انا مدونتي جديدة لسة


وعايزكوا يا جماعة تساعدوني اخلي

مدونتي جامدة ان شاء الله

واتعرف عليكم كلكم

انا باختصار يا جماعة بسمي نفسي المكافحة في الحياة ليه بقي هقولكم ليه

هههههههههه

انا والله ذاكرت حوالي 21 سنة بس انا محظوظة والحمد لله بشكر ربنا علي النعمة دي وبحس بنفسي مميزة فيها وسط صحابي

كنت في مدارس لغات من الحضانة لغاية اعدادي بس كنت منطوية جدا ومكانش ليا صحاب غير واحدة بس كنت خجولة جداااا جدااا وحريصة في تعاملتي مع الناس بس بجد مش عارفة لغاية دلوقتي مش عارفة ليه ؟؟؟؟؟؟؟؟؟؟؟؟

وبعد ماخلصت الاعدادي دخلت ثانوي تجاري حبيت اختصر الطريق علشان ادخل علي كلية تجارة من غير تعب ومعاناة الثثانوية العامة حبيت ابعد عن قيود مدارس اللغات وصعوبة مناهجها الزيادة غير المواد الاساسة وهكذا

درست وابتديت حبة حبة اتعرف علي بنات بس اللي هما لوني محبتش اغير غير اللي هما زيي وفي شكلي وستايلي

المهم كونت صحاب محترمين جدا ومميزين في المدرسة وكانوا

من اوائل الطلبة في المدرسة وانا كنت منهم واخيرا خلصت وجبت مجموع حلو جدا فيها بس المشكلة ان جاتلي جامعة اقاليم وانا علشان البنت الوحيدة في وسط اخواتي بابا

بيخااف عليا جداااااااااا

المهم فشلت في المحاولة الاولي في ان ادخل كلية التجارة بس بجد وانا مش عارفة كان ربنا مرتبلي حاجة احسن ليا وانا مش عارفة

فدخلت معهد فني تجاري بس لما دخلته حسيت ان مش انا مش لاقية نفسي فيه خالص ناس غير الناس ومش عارفة اتاقلم مع حد خالص وكنت دايما لوحدي وكنت بواظب علي الحضور في المحاضرات

المهم كل ده والاخر اطلع بمادة اخر الترم التاني

كوسة

المهم بابا ربنا يخليه ليا انا عمري مهنسي اللي عمله معايا وانا فخورة بيه اوي لانه بجد وقف جنبي هو وماما

وساعدوني في اللي وصلتله دلوقتي وانا كل ده بعمله علشانهم

بابا لما لاقي مدي الظلم ده في المعهد في كل تعبي اللي عصرت دماغي في الامتحانات قالي لا انا عايزك تسيبك من المعهد ده

وتدخلي ثانوية عامة من جديد

تاتاتاتتاتااااااااااااااااااااااااااااااا

ههههههههههههههههههههههه

انا يا جماعة لما سمعت كده زوهلت

قلت لبابا : ازااااااااااااااااااااااااااااااااااااي؟؟؟؟؟؟؟؟؟؟؟؟؟؟؟؟؟؟؟

قالي: ايوة انا هعملك كل اللي انتي عايزاه دروس كتب كل حاجة بس انا عايزك تبيضي وشي

فياجماعة اقتنعت جدااااااااااااا بالفكرة دي

لغاية ماذاكرت وفعلا الحمد لله رب العالمين اجتهدت ودخلت

كلية الاداب قسم اثار جامعة اسكندرية

معلش يا جماعة رغيت كتير انا عارفة اني دوشتكو بحكايتي

ههههههههههههههههههههههه

بس لازم تسمعو فاهميييييييييييييييين

المهم من بداية الجامعة بقي ليا صحاب كتير اوي بعد ماكنت لوحدي تلات سنين ثانوية عامة كل همي ادخل الامعة علشان احقق امل بابا وماما واملي كمان

اتقربت من زمايلي وصحابي اوي وبالاجتهاد في الدراسة محستش بالسنين دي خالص ياجماعة

وحطيت قاعدة في دماغي ان الانسان مهما وصل من العلم برده لسة في جهل لان العلم بيطور وبيطور انا مش اوي بس اهو حققت حاجة كويسة في دنيتي

هتسال عليها يوم القيامة

بس واا دلوقتي اخر سنة في الكلية

ادعولي يا جماعة ربنا يخليكوووووووووووووووووووو

هيه دي حكايتي

يارب ما اكون دوشتكو

واكون صديقة خفيفة عليكو كلكوا